Тоҷикӣ
Русский
Санаи 1-уми июни соли 2024 вохӯрии маҷозии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода (Мудир аз Ҷумҳурии Тоҷикистон дар БОСИ) ва Ноиби президенти Бонки Осиёии Сармоягузориҳои Инфрасохторӣ Константин Лимитовский баргузор гардид.
Дар вохӯрӣ масъалаҳои вобаста ба рафти татбиқи лоиҳаҳои давлатии сармоягузории аз ҷониби Бонки мазкур дар Ҷумҳурии Тоҷикистон маблағгузоришаванда, лоиҳаҳо ва самтҳои нави ҳамкориҳо, инчунин масъалаи иштироки роҳбарияти Бонки Осиёии Сармоягузориҳои Инфрасохторӣ дар Конфронси сеюми байналмилалии сатҳи баланд оид ба Даҳсолаи байналмилалии амал “Об барои рушди устувор” солҳои 2018-2028 мавриди муҳокима қарор дода шуданд.
Дар маҷмӯъ вохӯрӣ дар фазои ҳусни тафоҳум ва ҳамдигарфаҳмӣ баргузор гардид.
2 161 