Баргузории чорабинӣ ба муносибати 27-умин солгарди Рӯзи Ваҳдати миллӣ

Бахшида ба ифтихори 27-умин солгарди Рӯзи ваҳдати миллӣ санаи 26 июни соли ҷорӣ дар Кумитаи давлатии сармоягузорӣ ва идораи амволи давлатӣ бо иштироки роҳбарият ва кормандони дастгоҳи марказӣ ва корхонаҳои зертобеъ чорабинӣ баргузор гардид.
Ҷамъомад бо сухани ифтитоҳи Раиси Кумита Раҳимзода Султон оғоз гардида, кормандонро бо фарорасии ҷашни 27-умин солгарди Рӯзи ваҳдати миллӣ табрик намуд.

Маҳз самараи ваҳдати миллӣ ва тарғибҳои пайвастаи заминагузори ғояҳои ваҳтадгироӣ буд, ки Тоҷикистон дар арсаи сиёсати байналмилалӣ дар муддати кӯтоҳи таърихӣ ба хеле дастовардҳои назаррас ноил гардид.

Дар ин давра, татбиқи иқдомҳои пайгиронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ҷиҳати амалисозии ислоҳот дар соҳаҳои иқтисоди миллӣ, бахусус дар самти беҳтар намудани фазои сармоягузорӣ, дастгирии бахши хусусӣ ва роҳандозӣ намудани тадбирҳои зарурӣ барои рушди соҳаҳои афзалиятнок самараи хуб дода, дар кишвар барои таъмини рушди устувори иқтисодӣ фазои мусоид фароҳам оварда шуд.

Дар фарҷоми чорабинӣ дар арафаи ҷашни Рӯзи ваҳдати миллӣ як қатор кормандон ба хотири саҳми арзандаашон дар пешбурди фаъолияти Кумита бо сипосномаҳо сарфароз гардонида шуданд.