БАРГУЗОРИИ ҶАЛАСАИ ҲИЗБӢ

   Дар асоси талаботи Оиннома ва Низомномаи Ҳизби Халқии Демократии Тоҷикистон санаи 25 июли соли 2024, маҷлиси ҳисоботӣ-интихоботии ташкилоти ибтидоии “Амвол” баргузор гардид.

    Дар ҷаласа Раҳимзода Султон – Раиси Кумитаи давлатии сармоягузорӣ ва идораи амволи давлатӣ, роҳбарият ва аъзоёни ташкилоти ибтидоии «Амвол», Муродов Ҷурабек - муовини Кумитаи иҷроияи Ҳизби Халқии Демократии Тоҷикистон дар шаҳри Душанбе, Қурбонзода Убайдулло -  Раиси Кумитаи иҷроияи ҲХДТ дар ноҳияи Исмоили Сомонии  шаҳри Душанбе иштирок намуданд.

Тибқи рӯзнома дар маҷлис 5 масъала баррасӣ гардид:

1.Дар бораи “Ҳисоботи раиси ташкилоти ибтидоии “Амвол“ дар давраи ҳисоботӣ”;

2.Дар бораи интихоби аъзои  Раёсати ташкилоти ибтидоии “Амвол”;

3.Дар бораи интихоби раиси ташкилоти ибтидоии “Амвол”;

4.Дар бораи интихоби муовини раиси ташкилоти ибтидоии “Амвол”;

5.Дар бораи интихоби вакилон ба конференсияи ҳисоботӣ-интихоботии  33-уми Кумитаи иҷроияи ҲХДТ дар ноҳияи И. Сомонӣ.

Маҷлисро Раҳимзода Султон-Раиси Кумитаи давлатии сармоягузорӣ ва идораи амволи давлатӣ оғоз намуда, доир ба нақши калидии Ҳизби Халқии Демократии Тоҷикистон дар музаффариятҳои даврони соҳибистиқлолии мамлакат, суханронӣ намуданд.

Сипас, тибқи масъалаҳои дигари рӯзномаи маҷлис ва мутобиқи банди 4.4-и Оинномаи ҲХДТ ҳисоботи роҳбарияти ташкилот шунида шуда, ҳайати Раёсат иборат аз 5 нафар фаъолони ҳизбӣ, раис ва муовини Ташкилоти ибтидоии ҳазбии «Амвол» интихоб карда шуданд.

Иштирокчиёни маҷлис инчунин номзадҳоро ба ҳайси вакили Конфронси 33 кумитаи ҲХДТ дар ноҳияи  Исмоили Сомонии шаҳри Душанбе якдилона дастгирӣ намуданд.

Дар охир муовини Раиси КИ ҲХДТ дар шаҳри Душанбе Ҷӯрабек Муродов ва Раиси КИ ҲХДТ дар ноҳияи И.Сомонӣ Қурбонов Убайдулло ба суханронӣ намуданд.