Форуми байналмилалии сармоягузорӣ - содиротии «Хатлон-Инвест-2024« ва Намоишгоҳи "Бохтар Фуд-2024"

Санаи 17 октябри соли 2024 Кумитаи давлатии сармоягузорӣ ва идораи амволи давлатӣ дар ҳамбастаги бо Агентии содироти назди Ҳукумати Ҷумҳурии Тоҷикистон ва Мақомоти иҷроияи ҳоқимияти давлатии вилояти Хатлон дар доираи «Ҳафтаи соҳибкорӣ» Намоишгоҳи Форуми байналмилалии сармоягузорӣ «Хатлон-Инвест-2024« ва "Бохтар Фуд-2024" баргузор намуд.

Дар кори Форум беш аз 800 нафар роҳбарону намояндагони мақомотҳои давлатӣ, соҳибкорону сармоягузорони хориҷӣ, намоянадгони шарикони рушд иштирок намуданд.

Форум бо сухани ифтитоҳии муовини Сарвазири Ҷумҳурии Тоҷикистон Усмонзода Усмоналӣ ва Раиси вилояти Хатлон Давлаталӣ Саид оғоз гардид.

Баъд аз қиссмати расмӣ, дар кори ду панели алоҳида дар мавзӯҳои “Имкониятҳои сармоягузории минтақа барои рушди соҳаҳои энергетика, агросаноат ва сайёҳи” ва “Пешбурди истеҳсолоти инноватсионӣ дар минтақаҳои озоди иқтисодии вилояти Хатлон” иштироккунандагон мубодилаи афкор намуданд.

Дар фарҷом, имкониятҳои ба роҳ мондани ҳамкорӣ байни ҷонибҳо қарор гирифта, дар натиҷа санадҳои ҳамкориҳои нав ба имзо расонида шуданд.