Русский
English
Санаи 17-уми ноябри соли 2024 дар доираи сафари кории роҳбарияти вазорату идораҳои кишвар ҷиҳати тавсеа ва таҳкими ҳамкориҳои дуҷонибаи Ҷумҳурии Тоҷикистон бо кишварҳои Осиёи Ҷанубу Шарқӣ мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода ва Вазири саноат ва технологияҳои нави Ҷумҳурии Тоҷикистон Шералӣ Кабир бо валиаҳди Салтанати Негери Сембилани Малайзия ҷаноби Тунку Али Резауддин баргузор гардид.
Дар вохурӣ масъалаҳои марбут ба ҳолати кунунӣ ва дурнамои густариши ҳамкориҳои Тоҷикистону Малайзия дар заминаҳои иқтисодӣ, тиҷоратӣ, сармоягузорӣ, энергетикӣ, сайёҳӣ, кишоварзӣ, саноат, инчунин дигар мавзӯъҳои муштарак дар чаҳорчӯбаи рушди минтақаҳои ду кишвар мавриди баррасӣ қарор гирифтанд.
Ҷонибҳо омодагии худро барои рушди ҳамкорӣ изҳор намуда, таъкид намуданд, ки минбаъд низ муносибатҳои тиҷоратию сармоягузорӣ таҳким бахшида мешаванд. Ҳамкорӣ дар соҳаҳои технологияи иттилоотӣ ва инноватсия, аз ҷумла мубодилаи таҷриба дар ин самт муҳим арзёбӣ гардид.
Дар ин замина, аз ширкатщои малайзиягӣ даъват ба амал оварда шуд, ки ба Тоҷикистон ташриф оварда, аз имкониятҳои ҳамкорӣ дар самтҳои болозикр аз наздик шинос шаванд.
851 