Мулоқот бо Вазири молияи Малайзия

Дар ҳошияи сафари кории ҳайати кишвар  ҷиҳати тавсеа ва таҳкими ҳамкориҳои дуҷонибаи Ҷумҳурии Тоҷикистон бо кишварҳои Осиёи Ҷанубу Шарқӣ санаи 18-уми ноябр мулоқоти раиси Кумитаи давлатии сармоягузорӣ ва идораи амволи давлатӣ Султон Раҳимзода, вазири саноат ва технологияҳои нав Шералӣ Кабир ва намояндагони дигар вазорату идораҳои ҷумҳурӣ бо вазири молияи Малайзия ҷаноби Датук Сери Амир Ҳамза Азизан баргузор гардид.

Зимни мулоқот маҷмӯи масъалаҳо вобаста ба ҳамкориҳои тиҷоратию иқтисодӣ, аз ҷумла ҷалби сармояи мустақим аз Малайзия ба иқтисодиёти Ҷумҳурии Тоҷикистон барои татбиқи лоиҳаҳои афзалиятнок дар самтҳои иқтисоди сабз, энергетика, манбаҳои нерӯи таҷдидпазир, истихроҷу коркарди канданиҳои фоиданок ва коркарди ашёи хом мавриди баррасии ҷонибҳо қарор гирифт.

Дар рафти мулоқот фазо ва имкониятҳои сармоягузории Ҷумҳурии Тоҷикистон муаррифӣ гардида, оид ба тадбирҳои созандаи Ҳукумати кишвар дар самти ислоҳоти соҳаҳои иқтисоди миллӣ ва барномаву стратегияҳои давлатӣ барои рушди соҳибкорӣ, ҷалби бештари сармояи хориҷӣ, таъсиси ширкатҳои муштарак ва дастгирии соҳибкории хурду миёна маълумот пешниҳод гардид.

Дар маҷмӯъ, вохурӣ дар фазои ҳамдигарфаҳмӣ доир гардида, масъалаҳои зикргардида бо истифода аз имконоти васеъ ҷиҳати иртибот ва мубодилаи афкор қарор гирифтанд.