Мулоқот бо вазири аршади давлатӣ оид ба корҳои хориҷӣ ва рушди миллии Сингапур

21 ноябри соли 2024 ҳайати Ҷумҳурии Тоҷикистон дар доираи сафар ба давлатҳои Осиёи Ҷанубу Шарқӣ бо вазири аршади давлатӣ оид ба корҳои хориҷӣ ва рушди миллии Сингапур хонум Сим Энн мулоқот анҷом доданд. 

Зимни мулоқот масоили имкониятҳои ҳамкории дуҷониба ва сармоягузорӣ дар соҳаҳои иқтисоди сабз, нерӯи сабз, зеҳни сунъӣ, истихроҷ ва коркарди канданиҳои фоиданок, бонкдорӣ, инчунин ташкили давраҳои омӯзишӣ дар соҳаҳои гуногун, аз ҷумла маъмурикунонии андоз, молия ва гумрук мавриди баррасӣ қарор гирифт.

Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Рахимзода паёми Пешвои миллат, Президенти Ҷумҳурии Тоҷикистон муҳтарам Эмомали Рахмонро ба Сарвазири Сингапур - Лоуренс Вонг оид ба нияти рушди муносибатҳои иқтисодӣ ва даъвати роҳбарияти Сингапур ба Тоҷикистон расонид.