Вохӯрӣ бо Вазири банақшагирӣ ва ҳамкориҳои байналмилалии Миср

4 декабри соли 2024 вохӯрии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Вазири банақшагирӣ ва ҳамкориҳои байналмилалии Миср, доктор Рания ал- Машат  баргузор гардид.

Зимни вохӯрӣ ҷонибҳо вазъи кунунӣ ва дурнамои ҳамкориҳои Ҷумҳурии Тоҷикистон ва Ҷумҳурии Арабии Мисрро мавриди муҳокима қарор дода, самтҳои афзалиятноки муносибатҳои иқтисодӣ, аз ҷумла ба роҳ мондани ҷалби сармоягузории мустақими Ҷумҳурии Арабии Миср ба Ҷумҳурии Тоҷикистон, татбиқи лоиҳаҳо дар бахшҳои энергетика, канданиҳои фоиданок, молия, кишоварзӣ, сайёҳӣ, бонкдорӣ, инчунин масъалаҳои дигари мавриди таваҷҷуҳи ҷонибҳоро баррасӣ намуданд.