Русский
English
Санаи 10 январи соли 2025 ҷаласаи васеи ҳайати мушовараи Кумитаи давлатии сармоягузорӣ ва идораи амволи давлатии Ҷумҳурии Тоҷикистон таҳти раёсати раиси Кумита муҳтарам Раҳимзода Султон Нурмаҳмадпур баргузор гардид.
Дар ҷаласаи мазкур роҳбарияти Кумитаи давлатии сармоягузорӣ ва идораи амволи давлатии Ҷумҳурии Тоҷикистон, сардори раёсати банақшагирии стратегӣ ва ислоҳоти Дастгоҳи иҷроияи Президенти Ҷумҳурии Тоҷикистон, сардорони воҳидҳои сохтории дастгоҳи марказӣ ва корхонаҳои системаи Кумита, сардорони раёсатҳои сармоягузорӣ ва идораи амволи давлатӣ дар шаҳри Душанде, вилоятҳои Суғду Хатлон, вилояти Мухтори Куҳистони Бадахшон ва ноҳияҳои тобеи марказ ширкат варзиданд.
Раиси Кумита ҷаласаи ҳайати мушовараро ифтитоҳ намуда, вобаста ба ҷамъбасти натиҷаҳои фаъолияти Кумита дар соли 2024 гузориши муфассал пешниҳод намуданд.
Инчунин, Раиси Кумита ҷиҳати таъмини иҷрои саривақтии дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон ва Дастгоҳи иҷроияи Президенти Ҷумҳурии Тоҷикистон ва беҳсозии фазои сармоягузорӣ ва соҳибкорӣ ба масъулин дастуру супоришҳо доданд.
Ҳамзамон, дар кори ҷаласа аз ҷониби масъулин ҳисобот пешниҳод карда шуда, дар анҷоми ҷаласа вобаста ба масъалаҳои баррасишуда қарорҳои дахлдор қабул гардидаанд.
197 