Вохӯрӣ бо сафири навтаъйини фавқулода ва мухтори Малайзия дар Ҷумҳурии Тоҷикистон (бо иқоматгоҳ дар ш. Тошканд)

20 феврали соли 2025 вохӯрии раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Раҳимзода Султон бо сафири навтаъйини фавқулода ва мухтори Малайзия ҷаноби Илҳом Туаҳ Илёс дар Ҷумҳурии Тоҷикистон (бо иқоматгоҳ дар ш. Тошканд) баргузор гардид.

Зимни вохӯрӣ раиси Кумита ҷаноби Илҳом Туаҳ Илёсро барои таъин гардидани сафири фавқулода ва мухтори Малайзия дар Ҷумҳурии Тоҷикистон (бо иқоматгоҳ дар ш. Тошканд) табрик намуда, ҳолати кунунӣ ва густариши ҳамкориҳои ду кишвар дар самти соҳибкорию сармоягузориро мавриди муҳокима қарор доданд.

Инчунин, ҷонибҳо ҷиҳати пайгирӣ ва мунтазам корбарӣ намудани масъалаҳои натиҷаи сафари кории ҳайати кишвар ба Малайзия, Сингапур, Индонезия ва Тайланд (17-26 ноябри соли 2024) бори дигар ёдовар шуданд.

Дар фарҷоми мулоқот ҷиҳати иштироки сармоягузорони ҷониби Малайзия дар форуми байналмилалии “Душанбе Инвест-2025”, ки баргузории он дар нимсолаи дуюми соли 2025 дар шаҳри Душанбе дар назар дошта шудааст, даъват ба амал оварда шуд.