Мулоқоти бо роҳбарони агентиҳои иҷроия ва амаликунандаи лоиҳаҳои сармоягузории давлатӣ

Санаи 13-уми марти соли 2025 дар Кумитаи давлатии сармоягузорӣ ва идораи амволи давлатӣ мулоқоти муовини якуми Сарвазири Ҷумҳурии Тоҷикистон Ҳоким Холиқзода бо роҳбарияти вазорату идораҳои дахлдор ва марказу гурӯҳҳои татбиқи лоиҳаҳои сармоягузорӣ давлатӣ баргузор гардид.

Дар ҷаласа, ахбороти раиси Кумитаи давлатии сармоягузорӣ ва идораи амволи давлатӣ Султон Раҳимзода оид натиҷаҳои раванди татбиқи лоиҳаҳои давлатии сармоягузорӣ дар соли 2024 ва моҳҳои январ – феврали соли 2025 шунида шуд.

            Сипас, аз ҷониби муовини якуми Сарвазири Ҷумҳурии Тоҷикистон Ҳоким Холиқзода рафти амалишавии ҳар як лоиҳа дар алоҳида мавриди баррасию таҳлил қарор гирифта, бо дарназардошти маълумоти зикршуда ва бо мақсади бартараф намудани камбудиҳои мавҷуда ва тақвияти раванди татбиқи самаранокии лоиҳаҳои давлатии сармоягузорӣ ба роҳбарону масъулони агентиҳои иҷроия ва татбиқкунандаи лоиҳаҳои давлатии сармоягузорӣ супоришҳои мушаххас дода шуд.