Мулоқот бо роҳбарияти Бонки MSB ва ROX-и Ҷумҳурии Ветнам

Санаи 18-уми марти соли ҷорӣ раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо роҳбарияти Бонки MSB (Maritime Commercial JS Bank) ҷаноби Тран Ан Туан ва ширкати сармоягузории ROX-и Ветнам хонум Нгуен Тай Нгует Хуонг мулоқот анҷом дод.
Зимни вохурӣ аз ҷониби раиси Кумитаи давлатии сармоягузорӣ ва идораи амволи давлатӣ ба сармоягузорон вобаста ба фазо ва имкониятҳои сармоягузорӣ, ислоҳотҳои дар соҳаҳои иқтисоди миллӣ амалишаванда, барномаҳои давлатӣ дар самти дастгирии давлатии соҳибкорӣ ва сармоягузорӣ маълумот пешниҳод гардид.
Ҷонибҳо ҳавасмандии худро ҷиҳати тақвият бахшидани ҳамкорӣ дар соҳаҳои саноат, энергетика, сохтмон, нассоҷӣ, бонкдорӣ, сайёҳӣ ва хизматрасонӣ иброз намуданд.