Баргузории мулоқот бо сафири фавқулода ва мухтори Давлати Қатар дар Ҷумҳурии Тоҷикистон

   Санаи 4-уми апрели соли 2025 вохӯрии Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо сафири фавқулода ва мухтори Давлати Қатар дар Ҷумҳурии Тоҷикистон ҷаноби Муборак ибни Абдурраҳмон Муборак Ан-Наср баргузор гардид.
   Дар ҷараёни мулоқот ҷонибҳо масъалаҳои таҳкими ҳамкориҳои дуҷониба дар самти ҷалби сармоягузорӣ, татбиқи лоиҳаҳои муштарак ва рушди соҳаҳои афзалиятноки иқтисоди кишварро баррасӣ намуданд.
   Ҳамчунин, зимни вохӯрӣ лоиҳаи сохтмони маҷмааи “Диёри Душанбе” мавриди баррасӣ қарор гирифт. Ҷонибҳо оид ба раванди татбиқи лоиҳа, ҷалби сармоя ва саҳмгузории тарафҳо табодули афкор намуданд. Таъкид гардид, ки татбиқи чунин лоиҳаҳои муҳими инфрасохторӣ метавонад ба рушди иқтисодӣ ва ҷалби бештари сармоягузории хориҷӣ мусоидат намояд.
   Ҷонибҳо омодагии худро барои густариши минбаъдаи муносибатҳои иқтисодӣ ва сармоягузорӣ таъкид карданд.