Русский
English
Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода кишварро дар Конгресси Солонаи Сармоягузорӣ (AIM Congress 2025), ки имрӯз расман дар шаҳри Абу-Даби ифтитоҳ ёфт, намояндагӣ кард. Бо зиёда аз 20 000 иштирокчӣ аз 175 кишвари дунё, AIM Congress яке аз платформаҳои пешсафи ҷаҳонӣ барои ташаккули ояндаи сармоягузориҳои байналмилалӣ мебошад.
Раиси Кумита ҳамчун сухангӯй дар панели сатҳи баланд таҳти унвони “Ояндаи ҷаҳонишавӣ: тавозуни динамикаи маҳаллӣ ва глобалӣ — таъсири савдои байналмилалӣ ба ҷараёнҳои сармоягузории мустақими хориҷӣ (FDI)” суханронӣ карда, назари Тоҷикистонро дар мавриди тамоюлҳои кунунии ҷаҳонӣ дар соҳаи савдо ва сармоягузориҳои хориҷӣ баён намуд.
Ӯ таъкид кард, ки Тоҷикистон сиёсати устувори савдо ва сармоягузориро нигоҳ медорад, ки камтар ба ҷараёнҳои ҷаҳонии савдо ворид аст ва аз ин рӯ, аз нооромииҳои ахири ҷаҳонӣ бештар эмин мондааст.
Дар панели дигар, ки ба тамоюлҳои сармоягузории мустақими хориҷӣ дар бозорҳои рӯ ба рушд бахшида шуда буд, ӯ қайд намуд, ки кишварҳои дар ҳоли рушд ҳанӯз ҳам нақши муҳимро дар ҷараёнҳои сармоягузории ҷаҳонӣ мебозанд — ба шарте ки онҳо суботи сиёсӣ, рушди инфрасохтор ва кушода будани бозорро таъмин намоянд.
Иштироки Раиси Кумита дар AIM Congress 2025 нишондиҳандаи иштироки афзояндаи Тоҷикистон дар арсаи байналмилалӣ ва кӯшиши ҷалби сармояи босифат тавассути мутобиқ шудан ба тамоюлҳои ҷаҳонӣ дар баробари ҳифзи манфиатҳои миллии рушд мебошад.
656 