Русский
English
Имрӯз дар Кумитаи давлатии сармоягузорӣ ва идораи амволи давлатӣ мулоқоти намояндаи Агентии назорати давлатии молиявӣ ва мубориза бо коррупсия бо кормандони Кумита баргузор карда шуд.
Мақсад аз баргузории мулоқоти мазкур ин роҷеъ ба роҳу василаҳои пешгирии коррупсия, ҳамкорӣ намудан бо мақомоти салоҳиятдори давлатӣ ҷиҳати решакан намудани ин зуҳуроти номатлуб, бетараф набудан ҳангоми бархӯрдан бо омилҳои коррупсионӣ арзёбӣ гардид.
Корманди Раёсати Агентӣ зимни таҳлили вазъият оид ба пешгирии амалҳои коррупсионӣ сухан намуда, аҳли нишастро даъват карданд, ки дар самти бартараф намудани ин зуҳуроти номатлуб бетараф набошанд. Вохӯрӣ дар асоси пешниходи Агенти ва нақшаи чорабиниҳои амалисозии Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030 барои марҳилаи якум (солҳои 2021-2025) роҳандозӣ карда шуд. Таъкид гардид, ки коррупсия дар замони муосир мушкилоти ҷаҳонӣ гардида, самаранокии мубориза бо он аз иштироки фаъолонаи ҳар шаҳрванд вобастагӣ дорад.
37 