Русский
English
Санаи 18 апрели соли 2025 ҷаласаи 21-уми Шӯрои машваратӣ оид ба рушди соҳибкории хурди кишварҳои иштирокдори ИДМ тариқи маҷозӣ таҳти роҳбарии раиси Шӯро муовини раиси Кумитаи давлатии сармоягузорӣ ва идораи амволи давлатӣ баргузор гардид. Дар чорабинии мазкур аъзоёни Шӯро аз давлатҳои Озорбоиҷон, Арманистон, Белоруссия, Қазоқистон, Қирғизистон, Россия ва Ӯзбекистон иштирок ва суханронӣ намуданд.
Қайд карда шуд, ки дастгирии соҳибкории хурду миёна ва имкониятҳои гуногуни иқтисодӣ ва молиявии кишварҳои ИДМ дар таъсиси ҷойҳои нави корӣ, ташаккули инфрасохтор ва дарк намудани ҳифзи манфиатҳои иҷтимоию иқтисодии намояндагони соҳибкории хурд саҳми назаррас дорад.
Инчунин дар давоми ҷаласаи Шӯро рафти иҷрои қарорҳои Протоколи маҷлиси 20-уми Шӯро, ва рафти иҷрои нақшаи кории Шӯро барои соли 2025, ҳисобот фаъолияти Шӯро дар солҳои 2018–2024, дар бораи сана, макони баргузорӣ ва лоиҳаи рӯзномаи ҷаласаи 22-юми Шӯро ва дигар масъалаҳои ҷорӣ баррасӣ карда шуд.
Дар фарҷоми чорабинӣ, дар асоси пешниҳоди Ҷумҳурии Тоҷикистон ҳамчун раисикунандаи Шӯрои машваратӣ оид ба рушди соҳибкории хурди кишварҳои иштирокдори ИДМ дар соли 2025, қарори дахлдор оид ба баргузории ҷаласаи 22-юми Шӯро тариқи ҳузурӣ дар шаҳри Душанбе қабул карда шуд.
33 