Баргузории мусобиқаи футбол дар доираи таҷлили Рӯзи ҷаҳонии футбол

Санаи 24-уми майи соли 2025 дар шаҳри Душанбе дар доираи таҷлили Рӯзи ҷаҳонии футбол, ки бо ташаббуси беназири Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе, Раиси Федератсияи футболи Тоҷикистон ва Президенти Ассотсиатсияи футболи Осиёи Марказӣ (CAFA) муҳтарам Рустами Эмомалӣ ҳамасола санаи 25-уми май дар сатҳи байналмилалӣ таҷлил мегардад, дар майдони футболи Академияи футболи “Ювентус” байни дастаҳои дастгоҳи марказӣ ва ташкилотҳои системаи Кумитаи давлатии сармоягузорӣ ва идораи амволи давлатӣ бозии дӯстонаи футбол баргузор карда шуд.

Зимни натиҷагирии бозии дӯстонаи футбол, роҳбарияти Кумитаи давлатии сармоягузорӣ ва идораи амволи давлатӣ, Федератсияи футболи Тоҷикистон, Академияи футболи “Ювентус” ва гурӯҳи ширкатҳои "55 Групп" бо баргузории чорабинии тантанавӣ аҳли кормандони дастгоҳи марказӣ ва ташкилотҳои системаи Кумитаро ба Рӯзи ҷаҳонии футбол табрик намуданд.

Ҳамзамон, бо мақсади оммавигардонии варзиш ва рушди футбол дастаи ғолиб бо Ҷоми Кумитаи давлатии сармоягузорӣ ва идораи амволи давлатӣ, дигар дастаҳо бо сипосномаву туҳфаҳои хотиравӣ ва аҳли кормандони дастгоҳи марказӣ ва ташкилотҳои системаи Кумита ҳамчун туҳфаи рамзӣ бо тубҳо қадрдонӣ карда шуданд.