Русский
English
Санаи 4-уми июли соли 2025 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон Созишномаи сармоягузорӣ байни Ҳукумати Ҷумҳурии Тоҷикистон ва Ҷамъияти дорои масъулияти маҳдуди «КМ Муосир» оид ба сохтмон ва баистифодадиҳии корхонаи истеҳсоли маҳсулоти саноатӣ дар ҳудуди ноҳияи Данғараи вилояти Хатлон ба имзо расонида шуд.
Мақсад аз имзои Созишномаи сармоягузорӣ ин тавассути ҷалби сармоя ба роҳ мондани истеҳсоли маҳсулоти воридотивазкунанда ва дар ин замина таъмини мунтазами корхонаҳои ватании дар соҳаи саноат фаъолияткунанда бо маҳсулоти тайёри (потусқаҳо) ба ҳисоб меравад.
Маврид ба зикр аст, ки қаблан аз ҷониби сармоягузор корхонаи истеҳсоли моддаҳои таркандаи эмулсионии саноатӣ дар ноҳияи Данғараи вилояти Хатлон сохта ба истифода шудааст.
Дар ин замина сармоягузор уҳдадорӣ гирифтааст, ки барои бунёди корхонаи нав ва таҷдиди истеҳсолоти марҳилаи аввал 80 млн. сомонӣ сармоягузорӣ намуда, беш аз 50 нафарро бо ҷойҳои нави корӣ таъмин намояд.
Иқдоми пешгирифта дар самти таъмини саноатикунонии босуръати мамлакат мувофиқ мебошад.
62 