Сарфарозгардонӣ бо мукофоти давлатӣ

Санаи 4-уми сентябр ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода аз номи Президенти Ҷумҳурии Тоҷикистон ба сармутахассиси Раёсати таҳлили Кумитаи давлатии сармоягузорӣ ва идораи амволи давлатӣ Солеҳзода Парвиз Ифтихорномаи Ҳукумати Ҷумҳурии Тоҷикистонро бахшида ба 34-солагии Истиқлолияти давлатии Ҷумҳурии Тоҷикистон барои хизмати содиқона, масъулиятшиносӣ ва саҳми назаррас дар пешбурди рушди иҷтимоию иқтисодии кишвар супорид.

Ин қадрдонӣ гувоҳи таваҷҷуҳи хоса ва дастгирии пайвастаи роҳбарияти олии кишвар нисбати заҳмати содиқона ва ҳиссаи арзандаи кормандони Кумита буда, он ҳамчун як дастур барои расидан ба дастовардҳои боз ҳам баландтар дар самти рушди иқтисодӣ, беҳтар намудани фазои сармоягузорӣ ва тақвияти иштироки Кумита дар татбиқи барномаҳои стратегии давлатӣ хизмат мекунад.

Сарфароз гардонидани кормандон бо мукофотҳои давлатӣ на танҳо қадрдонии хизматҳои онҳо, балки рамзи эҳтиром ва эътимоди давлат ба кормандони содиқ ва ташаббускор маҳсуб ёфта, онҳоро водор месозад, ки дар роҳи пешрафти иқтисоди кишвар саҳми назаррас гузоранд.