Ҷаласаи корӣ бо роҳбарону масъулони лоиҳаҳои сармоягузории давлатӣ

Санаи 28-уми ноябри соли ҷорӣ дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷаласаи кории раиси Кумита Султон Раҳимзода бо роҳбарону масъулони як қатор лоиҳаҳои сармоягузории давлатӣ баргузор гардид.

Зимни ҷаласа масъалаи беҳсозии механизи ҳамоҳангсозӣ, таъмини истифодаи мақсадноки маблағҳои қарзию грантӣ, риояи талаботи созишномаҳои қарзӣ, баланд бардоштани иқтидори кадрӣ, таъмини шаффоият дар раванди харид ва ҳалли саривақтии мушкилиҳои дар татбиқи онҳо ҷойдошта мавриди муҳокимаю баррасӣ қарор гирифт.

Раиси Кумита Султон Раҳимзода зимни ҷаласаи корӣ таъкид намуд, ки роҳбарону масъулони лоиҳаҳои сармоягузории давлатӣ  раванди татбиқи лоиҳаҳоро пайваста мавриди таҳлилу назорати қатъӣ қарор дод, то охири соли ҷорӣ ҷиҳати ҳалли мушкилоти дар татбиқи лоиҳаҳои ҷойдошта, инчунин таъмини иҷрои пурраи нақшаҳои молиявию харид чораҳои фаврӣ андешанд.