Русский
English
Рӯзҳои 2-3 декабри соли ҷорӣ муовини якуми раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон - Фаррух Юсуфзода дар Форуми Тяншан оид ба Ҳамкории иқтисодии Осиёи Марказӣ, ки дар шаҳри Урумчии Ҷумҳурии Мардумии Чин баргузор гардид, иштирок намуда, дар сессияи «Беҳтар намудани муҳит барои ҷалби сармоягузории самарабахш дар минтақаи CAREC» суханронӣ намуд.
Дар баромади худ ӯ зарурати ҳамоҳангсозии низоми меъёриву ҳуқуқӣ ва сиёсати давлатҳоро барои фароҳам овардани муҳити боз ҳам беҳтар, пешгуишаванда ва самараноки сармоягузорӣ ба лоиҳаҳои минтақавӣ ва дар Осиёи Миёна таъкид намуд.
Ҳамзамон, оид ба тақвият бахшидани ҳамкорӣ, банақшагирии муштарак ва рушди иқтидор миёни давлатҳои аъзо, шарикони рушд ва дигар ҷонибҳои манфиатдор барои татбиқи босамари ташаббусҳои минтақавӣ даъват ба амал оварда шуда, зарурати сафарбарсозии сармояи байналмилалӣ ва дохилӣ барои дастгирии афзалиятҳои рушди минтақавӣ ва байналмилалӣ махсус қайд карда шуд.
37 