Мулоқоти маҷозии раиси Кумита бо роҳбарияти Бонки Осиёии Сармоягузории Инфрасохторӣ

7-уми январ мулоқоти маҷозии Раиси Кумитаи давлатии сармоягузорӣ ва идораи амволи давлатӣ Султон Раҳимзода бо ноиби Президенти Бонки Осиёии Сармоягузории Инфрасохторӣ ва Котиби Корпоративии он — Сэр Шерард Каупер-Коулз баргузор гардид.

Зимни мулоқот ҷонибҳо масъалаҳои густариши ҳамкорӣ ва ҳамоҳангсозии иқдомҳои муштаракро баррасӣ намуданд. Таваҷҷуҳи асосӣ ба нақши Раиси Кумита ҳамчун муовини Раиси ҷаласаи солонаи Шӯрои роҳбарони Бонк, ки соли ҷорӣ дар шаҳри Давҳа баргузор мегардад, равона шуд.

Раиси Кумита Сэр Шерард Каупер-Коулзро ба муносибати таъйин шуданаш ба вазифаи нав табрик гуфта, омодагии Тоҷикистонро ҷиҳати таҳкими ҳамкории шарикона бо Бонки Осиёии Сармоягузории Инфрасохторӣ таъкид намуд.