Русский
English
Санаи 20-уми декабри соли 2025 дар шаҳри Токио Созишнома байни Ҷопон ва Ҷумҳурии Тоҷикистон оид ба озодсозӣ, ҳавасмандгардонӣ ва ҳифзи сармоягузорӣ ба имзо расид.
Созишномаро аз ҷониби Ҷопон, Вазири корҳои хориҷӣ Мотеги Тошимитсу ва аз ҷониби Тоҷикистон Раиси Кумитаи давлатии сармоягузорӣ ва идораи амволи давлатӣ Султон Раҳимзода ба имзо расониданд.
Ҳадафи Созишнома фароҳам овардани муҳити мусоиди сармоягузорӣ, таъмини ҳифзи ҳуқуқ ва манфиатҳои қонунии сармоягузорон, инчунин таҳкими минбаъдаи ҳамкориҳои иқтисодию сармоягузории дуҷониба мебошад.
Татбиқи Созишнома ба афзоиши ҳаҷми сармоягузориҳо, густариши фаъолияти соҳибкорӣ ва рушди минбаъдаи муносибатҳои иқтисодии Ҷопон ва Тоҷикистон мусоидат хоҳад кард.
33 