Русский
English
Санаи 24-уми март дар шаҳри Ҷиззахи Ҷумҳурии Ӯзбекистон Форуми дуюми байниминтақавии Тоҷикистону Ӯзбекистон таҳти роҳбарии муовини Сарвазири Ҷумҳурии Тоҷикистон Зиёзода Сулаймон Ризоӣ ва муовини Сарвазири Ҷумҳурии Ӯзбекистон Хоҷаев Ҷамшед Абдуҳакимович баргузор гардид.
Дар кори Форум инчунин, роҳбарони вазорату идораҳо, вилоятҳо ва доираҳои соҳибкории ду кишвар иштирок намуданд.
Дар ҷараёни форум имкониятҳо ва захираҳои сармоягузории Ҷумҳурии Тоҷикистон ва Ҷумҳурии Ӯзбекистон муаррифӣ гардида, иқтидори минтақаҳои ҳар ду кишвар барои татбиқи лоиҳаҳои муштараки сармоягузорӣ, инчунин таҳкими робитаҳои соҳибкорӣ миёни доираҳои тиҷоратӣ баррасӣ гардид.
Пас аз қисмати расмии форум вохӯриҳои дуҷониба дар сиғаи B2B баргузор шуданд, ки дар доираи онҳо намояндагони соҳибкорӣ оид ба масъалаҳои татбиқи ташаббусҳои муштарак гуфтушунид анҷом доданд.
Дар натиҷаи форум як қатор санадҳои ҳамкорӣ байни доираҳои соҳибкории ду кишвар ба имзо расиданд, ки соҳаҳои саноати коркард, нассоҷӣ, хурокворӣ, бахши агросаноатӣ, маводи сохтмонӣ ва ғайраро дар бар мегиранд.
Баргузории форуми мазкур қадами муҳим дар рушди ҳамкории иқтисодӣ ва сармоягузории Тоҷикистону Ӯзбекистон буда, барои густариши робитаҳо ва татбиқи лоиҳаҳои муштарак заминаи мусоид фароҳам меорад
31 