Баргузории ҷаласаи чоруми Гурӯҳи корӣ оид ба ҳамкориҳои сармоягузорӣ байни Ҷумҳурии Тоҷикистон ва Ҷумҳурии Халқии Хитой

Санаи 17 апрели соли 2026 дар шаҳри Душанбе таҳти роҳбарии сардори сарраёсати сармоягузории Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва муовини сардори Департаменти сармоягузорӣ ва ҳамкориҳои иқтисодии Вазорати тиҷорати Ҷумҳурии Мардумии Чин  ҷаласаи чоруми Гурӯҳи корӣ оид ба ҳамкориҳои сармоягузорӣ байни Ҷумҳурии Тоҷикистон ва Ҷумҳурии Халқии Хитой баргузор гардид, ки дар кори намояндагони вазорату идораҳои дахлдори ду кишвар иштирок намуданд.

Зимни ҷаласа ҷонибҳо вазъи кунунӣ ва дурнамои рушди ҳамкориҳои сармоягузорӣ байни ду кишварро баррасӣ намуда, масъалаҳои марбут ба ҷалби сармояи мустақими хориҷӣ, татбиқи лоиҳаҳои муштарак, рушди бахшҳои афзалиятноки иқтисодиёт ва беҳтар намудани муҳити сармоягузориро мавриди муҳокима қарор доданд.

Ҳамчунин, масъалаҳои густариши ҳамкориҳо дар соҳаҳои саноат, энергетика, нақлиёт, инфрасохтор ва технологияҳои муосир баррасӣ гардида, тарафҳо оид ба таҳкими ҳамкориҳои мутақобилан судманд изҳори омодагӣ намуданд.

Дар натиҷаи ҷаласа ҷонибҳо ба мувофиқа расиданд, ки ҳамкориҳоро дар самтҳои афзалиятнок тақвият бахшида, барои пешбурди лоиҳаҳои муштарак ва ҷалби сармоягузориҳои нав чораҳои мушаххас андешанд.