Иштирок дар Форуми шарикии давлат ва бахши хусусӣ

Рӯзҳои 27-28 апрели соли ҷорӣ муовини раиси Кумитаи давлатии сармоягузорӣ ва идораи амволи давлатӣ Шарифзода Муҳаммадзариф Раҳмон дар 10-умин Форуми шарикии давлат ва бахши хусусӣ дар шаҳри Барселона иштирок ва суханронӣ намуд.

Форуми мазкур аз ҷониби Комиссияи иқтисодии Созмони Милали Муттаҳид барои Аврупо (UNECE) ташкил гардида, он намояндагони ҳукуматҳо, созмонҳои байналмилалӣ, муассисаҳои молиявӣ ва бахши хусусиро ҷиҳати баррасии масъалаҳои рушди шарикии давлат ва бахши хусусӣ, ҷалби сармоягузорӣ, татбиқи лоиҳаҳои инфрасохторӣ, ноил шудан ба Ҳадафҳои рушди устувор, истифодаи механизмҳои муосири маблағгузорӣ ва таҳкими ҳамкориҳои байналмилалӣ ба ҳам меоварад

Дар соли ҷорӣ мавзӯи меҳварии форум «Сафарбарсозии шарикиҳо: ташаккули шарикии давлат ва бахши хусусии устувор ва инфрасохтор барои ояндаи устувор» муайян гардида, дар доираи он баргузории ҷаласаҳои пленарӣ, муҳокимаҳои коршиносӣ ва муаррифии лоиҳаҳое пешбинӣ шудааст, ки ба ноил шудан ба Ҳадафҳои рушди устувор равона шудаанд.

Таваҷҷуҳи махсус ба масъалаҳои устувории иқлимии инфрасохтор, истифодаи абзорҳои инноватсионии молиявӣ (аз ҷумла «вомбаргҳои сабз сабз» ва маблағгузории омехта), инчунин татбиқи технологияҳои рақамӣ ва зеҳни сунъӣ дар тамоми марҳилаҳои татбиқи лоиҳаҳои шарикии давлат ва бахши хусусӣ зоҳир гардид.

Зимни мулоқоту вохуриҳои дар доираи Форум анҷомдода вобаста ба имкониятҳои сармоягузорӣ дар Ҷумҳурии Тоҷикистон, ислоҳоти ҷорӣ дар самти беҳтарсозии муҳити сармоягузорӣ ва рушди механизми шарикии давлат ва бахши хусусӣ, татбиқи лоиҳаҳои афзалиятнок, бахусус дар соҳаҳои энергияи барқароршаванда, инфрасохтор ва хизматрасониҳои иҷтимоӣ маълумот дода шуд.