Ҷаласаи 34-уми Шӯрои нозирони ҶСК «Шабакаҳои тақсимоти барқ» баргузор гардид

22 майи соли 2026, Душанбе. Дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон ҷаласаи 34-уми Шӯрои нозирони Ҷамъияти саҳомии кушодаи «Шабакаҳои тақсимоти барқ» баргузор гардид.

Ҷаласа таҳти раёсати раиси Шӯрои нозирон, раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода доир гардид.

Дар кори ҷаласа аъзои Шӯрои нозирон, роҳбарияти ҶСК «Шабакаҳои тақсимоти барқ», намояндагони дахлдор ва коршиносони даъватшуда иштирок намуданд.

Дар ҷараёни ҷаласа масъалаҳои марбут ба фаъолияти ҷории Ҷамъият, рушди минбаъдаи идоракунии корпоративӣ, сохтори ташкиливу кадрӣ, натиҷаҳои молиявию истеҳсолӣ, омодагӣ ба мавсими тирамоҳу зимистон, инчунин дигар масъалаҳои муҳими фаъолияти ҶСК «Шабакаҳои тақсимоти барқ» мавриди баррасӣ қарор дода шуданд.

Ҷаласа дар фазои корӣ ва созанда баргузор гардида, ҷонибҳо оид ба масъалаҳои муҳокимашуда мубодилаи афкор намуданд.