Ҷаласаи 23-уми Шӯрои машваратӣ оид ба соҳибкории хурди кишварҳои иштирокдори ИДМ

Санаи 25-уми майи соли 2026 ҷаласаи 23-уми Шӯрои машваратӣ оид ба дастгирӣ ва рушди соҳибкории хурд дар кишварҳои иштирокдори ИДМ тариқи маҷозӣ таҳти роҳбарии раиси Шӯро, муовини раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон – Хуршедаи Қодир баргузор гардид.

Дар чорабинии мазкур аъзоёни Шӯро аз давлатҳои  Озарбойҷон, Арманистон, Беларус, Қазоқистон, Қирғизистон, Россия ва намояндагони ҶС “Корпоратсия МСП” ва Фонди “Сколково”-и Федератсияи Россия иштирок ва суханронӣ намуданд.

Қайд карда шуд, ки соҳибкории хурду миёна дар кишварҳои ИДМ дар таъсиси ҷойҳои нави корӣ, ташаккули инфрасохтор, мутобиқ шудани иқтисодиёт ба тағйироти бозор, тақвияти рақобати солим ва ҳифзи манфиатҳои иҷтимоию иқтисодии намояндагони соҳибкории хурд саҳми назаррас дорад.

Инчунин дар давоми ҷаласаи Шӯро рафти иҷрои қарорҳои Протоколи маҷлиси 22-уми Шӯро, тадбирҳо оид ба дастгирии соҳибкории хурду миёна дар соҳаҳои эҷодӣ ва сайёҳӣ дар ИДМ, дар бораи сана, макони баргузорӣ ва лоиҳаи рӯзномаи ҷаласаи 24-юми Шӯро ва дигар масъалаҳои ҷорӣ баррасӣ карда шуд.