Русский
English
14 октябри соли 2026 дар шаҳри Душанбе дар доираи Форуми соҳибкории «Тоҷикистон, ба пеш!» маросими тантанавии супоридани ҷоизаҳо ба ғолибони озмуни ҷумҳуриявии «Соҳибкори сол – 2026» баргузор гардид.
Дар ин маросим соҳибкорони муваффақи кишвар аз рӯйи 16 номинатсия барои дастовардҳои назаррас, ташаббусҳои созанда ва саҳми арзанда дар рушди соҳибкорӣ ва иқтисоди миллӣ қадрдонӣ шуданд.
Қадрдонии соҳибкорони пешсаф нишонаи арҷгузорӣ ба заҳмату талош ва нақши муҳими бахши хусусӣ дар пешрафти кишвар мебошад. Фаъолияти созандаи соҳибкорон ба рушди истеҳсолоти ватанӣ, таъсиси ҷойҳои корӣ, ҷорӣ намудани навовариҳо ва баланд бардоштани сатҳи зиндагии аҳолӣ мусоидат менамояд.
Озмуни ҷумҳуриявии «Соҳибкори сол – 2026» ба муаррифии таҷрибаи пешқадам, ҳавасмандгардонии ташаббусҳои нави соҳибкорӣ ва таҳкими фарҳанги соҳибкорӣ равона гардида, муваффақияти ғолибони он барои соҳибкорони ҷавон ва ташаббускор намунаи ибрату ҳавасмандӣ мебошад.
48 