19 ноябри соли 2026 раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Сафири Ҷумҳурии Қирғизистон дар Ҷумҳурии Тоҷикистон Назаралӣ Арипов мулоқот намуд.
Зимни мулоқот ҷонибҳо дурнамои густариши ҳамкориҳои сармоягузорӣ миёни Тоҷикистону Қирғизистонро баррасӣ намуда, доир ба роҳҳои таҳкими робитаҳои мустақим байни доираҳои соҳибкории ду кишвар мубодилаи афкор карданд.
Таваҷҷуҳи хос ба муаррифии имкониятҳои сармоягузории ҳар ду кишвар, табодули маълумот дар бораи лоиҳаҳои афзалиятнок ва ҷалби соҳибкорону сармоягузорон ба татбиқи лоиҳаҳои муштарак зоҳир гардид.
Дар фарҷоми мулоқот ҷонибҳо аҳаммияти идомаи муколама ва ҳамоҳангсозии талошҳоро барои пайгирии пешниҳодҳои сармоягузорӣ, ташаккули лоиҳаҳои муштарак ва фароҳам овардани шароити мусоид ҷиҳати иштироки доираҳои соҳибкории Тоҷикистону Қирғизистон дар татбиқи онҳо таъкид намуданд.

Русский
English
51