Мулоқоти Раиси Кумита ба соҳибкорони ватанӣ вобаста ба баргузории Форуми байналмиллалии сармоягузорӣ “Душанбе-2023”

Санаи 21 августи соли 2023 мулоқоти раиси Кумитаи давлатии сармоягузорӣ ва идораи амволи давлатӣ Саъди Қодирзода вобаста ба масъалаҳои омодагӣ ба Форуми байналмиллалии сармоягузорӣ “Душанбе-2023” бо соҳибкорони ватанӣ баргузор гардид.

Дар рафти ҷаласа қайд гардид, ки мақсади асосии баргузории Форум ин муаррифии ҳарчи бештари имкониятҳои сармоягузорию соҳибкорӣ ва дар ин замина диверсификатсияи ҷалби сармоя ба иқтисодиёти мамлакат ба ҳисоб рафта, соҳибкорони ватаниро зарур аст, ки ҷиҳати омода намудани лоиҳаҳои авзалиятноки сармоягузорӣ ва иштироки фаъолона дар Форум чораҷуй намоянд. Хамзамон, сомонаи расмии Форум ба соҳибкорон муаррифӣ гардид.

Дар охир, дигар масъалаҳо низ вобаста ба баргузории Форуми мазкур аз ҷониби тарафҳо мавриди муҳокима гардид.