Мулоқоти Раиси Кумитаи давлатии сармоягузорӣ ва идораи амволи давлатӣ бо Сафири фавқулода ва мухтори Ҷумҳурии Корея дар Ҷумҳурии Тоҷикистон

Санаи 29 майи соли 2023 дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон вохӯрии Раиси Кумита Қодирзода С. Бо Сафири фавқулода ва мухтори Ҷумҳурии Корея дар Ҷумҳурии Тоҷикистон Квон Донгcок баргузор гардид.

Зимни мулоқот ҷонибҳо масъалаи баргузории Форуми соҳибкории Тоҷикистону Корея, ки санаи 19 июни соли 2023 дар шаҳри Душанбе баргузор мегардад мавриди баррасӣ қарор доданд.

Таъкид гардид, ки ба баргузории Форуми дарпешистода афзалияти аввалиндараҷа дар соҳаҳои саноати сабук, бонкдорӣ, кишоварзӣ ва тандурустӣ дода шавад. Дар анҷоми мулоқот ҷонибҳо барои боз ҳам густариш додани ҳамкориҳои мутақобилан судманд изҳори омодагӣ намуданд.