Ҳамоиш таҳти унвони “Соҳибкории занон: имкониятҳои нав ва дурнамо” бахшида ба таҷлили Рӯзи байналмилалии занони соҳибкор

Санаи 19 ноябри соли 2025 дар Кумитаи давлатии сармоягузорӣ ва идораи амволи давлатӣ ҳамоиш таҳти унвони “Соҳибкории занон: имкониятҳои нав ва дурнамо” бахшида ба таҷлили Рӯзи байналмилалии занони соҳибкор бо иштироки намояндагони Маҷлиси намояндагони Маҷлиси Олии Ҷумҳурии Тоҷикистон, вазорату идораҳо, шарикони рушд, бонкҳо, ассотсиатсиҳои соҳибкорӣ ва соҳибкорзанони фаъоли ҷумҳурӣ баргузор карда шуд.

Қайд карда шуд, ки Ҳукумати кишвар бо дастгириҳои бевосита ва таваҷҷӯҳи хосаи Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар соҳаҳои гуногуни иқтисодиёт як қатор ислоҳоти самаранокро татбиқ намудааст, ки он бевосита барои занони соҳибкор ҷиҳати пешбурд ва рушди фаъолияти соҳибкорӣ дар саросари кишвар мусоидат менамояд.

Ҳадаф аз ҳамоиши мазкур ии баланд бардоштани сатҳи огоҳии занони мамлакат аз раванди фаъолияти соҳибкорӣ, муаррифии имкониятҳои молиявӣ, ислоҳоти навин дар самти мазкур, муаррифӣ ва вусъат додани дастгирии молиявии занони соҳибкори ҷумҳурӣ, муҳокимаи мушкилиҳо ва монеаҳои раванди пешбурди фаъолияти соҳибкории занон мебошад.

Пас аз қисмати расмии чорабинӣ як қатор соҳибкорзанони муваффақи ҷумҳурӣ бо ифтихорномаи Кумитаи давлатии сармоягузорӣ ва идораи амволи давлатӣ сарфароз гардонида шуданд.