Русский
English
28 ноябри соли 2022 дар Токио, дар Дафтари мусоидат ба сармоягузорӣ ва технологияи Ташкилоти Созмони Милали Муттаҳид оид ба рушди cаноат (ITPO Tokyo, UNIDO) мулоқоти Раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Қодирзода Саъдӣ бо Роҳбари Дафтари мусоидат ба сармоягузорӣ ва технологияи Ташкилоти Созмони Милали Муттаҳид оид ба рушди cаноат (ITPO Tokyo, UNIDO) ҷаноби Ферда Гелеген баргузор гардид.
Зимни мулоқот доир ба имкониятҳои сармоягузорӣ дар Ҷумҳурии Тоҷикистон, соҳаҳои афзалиятноки сармоягузории кишвар ва инчунин имтиёзҳо барои сармоягузорон маълумот дода шуд.
Ҳадаф аз баргузории вохурии мазкур густариши ҳамкориҳои тиҷоратию сармоягузорӣ тавассути ташкили муколамаи озод байни соҳибкорону сармоягузорон ва дар ин замина дарёфти роҳҳои нави ҳамкорӣ дар самти ташкили корхонаҳои муштарак ба ҳисоб меравад.
Қайд гардид, ки дар давраи муносибатҳои дипломатӣ миёни кишварҳои мо барои тавсеаи минбаъдаи ҳамкориҳои амалӣ заминаи хуб фароҳам оварда шуда, муҳимтар аз ҳама, сатҳи баланди шарикӣ, эътимод ва эҳтироми мутақобила ба даст омадааст.
Ҷонибҳо ба густариши минбаъдаи ҳамкориҳо дар соҳаи сармоягузорӣ ва густариши ҳамкориҳои тиҷорӣ миёни соҳибкорони ду кишвар ҳавасмандии тарафайн изҳор намуданд.
2 895 