Ваҳдат рамзи воқеӣ ва ҷавҳари фалсафаи сулҳофарӣ

0
158

Имрӯз дар Кумитаи давлатии сармоягузорӣ ва идораи амволи давлатӣ бо иштироки раиси Кумита, муовини якум, муовинони раис, сардорон ва масъулони воҳидҳои сохтории дастгоҳи марказӣ ва роҳбарони ташкилотҳои системаи Кумита бахшида ба “Рўзи Ваҳдати миллӣ” чорабинии тантанавӣ баргузор карда шуд.

Чорабиниро раиси Кумита Қодирзода Саъдӣ бо сухани ифтитоҳӣ ҳусни оғоз бахшида, қайд намуд, ташаккули сулҳу ваҳдат, худшиносии миллӣ, ифтихори ватандорӣ ва шаъну шарафи шаҳрвандии тоҷикон яке аз заминаҳои мустаҳками давлатдории миллӣ ва сулҳу ваҳдати миллӣ дар кишвар воситаи боэътимоди рушди давлати демократӣ мебошад.

Дар идомаи сухан, Қодирзода Саъдӣ зикр намуд, ки Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид месозанд, ки “Ваҳдат рамзи воқеӣ ва ҷавҳари фалсафаи сулҳофарӣ, фарҳангсолориву таҳаммулпазирии миллати тоҷик аст, ки чунин дастоварди азизу муқаддас миллати бо фарҳангу бо тамаддуни моро ҳамчун миллати ростин ва озодаву озодихоҳ ба арсаи олам муаррифӣ сохтааст”.

Сипас, оид ба ин ҷашни муҳими сарнавиштсози миллат, сармутахассиси шуъбаи маҷмӯӣ ва иттилоотии  Кумита Каримзода Бахтибек  муфассал баромад намуд.

Дар охир Раисикунанда ҳозиринро ба муносибати 25 - умин солагарди “Рӯзи Ваҳдати миллӣ” самимона табрик намуда, ба ҳама тансиҳативу хонаободӣ, бахту иқбол, сарбаландӣ ва дар роҳи созандагиву ободкорӣ, таҳкими амнияти миллӣ баҳри шукуфоии Тоҷикистони азиз комёбиҳо орзу намуд.