Ҷаласа оид ба натиҷаҳои фаъолияти Кумитаи давлатии сармоягузорӣ ва идораи амволи давлатӣ дар нимсолаи аввали соли 2019

0
123
Санаи 9 июли соли 2019 дар Кумитаи давлатии сармоягузорӣ ва идораи амволи давлатӣ ҷаласаи васеи Ҳайати мушовара “Оид ба натиҷаҳои фаъолияти Кумитаи давлатии сармоягузорӣ ва идораи амволи давлатӣ дар нимсолаи аввали соли 2019 ва вазифаҳо барои семоҳаи сеюм” баргузор гардид.
Дар ҷаласа аз ҷониби Муовини Раиси Кумита Аҳмадзода Орзу Ҳусейн ҳисобот оид ба натиҷаҳои фаъолияти Кумитаи давлатии сармоягузорӣ ва идораи амволи давлатӣ дар нимсолаи аввали соли 2019 баён гардид.
Ҳамзамон, дар ҷаласа кормандони дастгоҳи марказӣ ва системаи Кумита, сардорони раёсату бахшҳои сармоягузорӣ ва идораи амволи давлатии вилоятҳо ва шаҳру ноҳияҳои ҷумҳурӣ иштирок намуданд.
Қайд гардид, ки Кумитаи давлатии сармоягузорӣ ва идораи амволи давлатӣ фаъолияти худро нимсолаи аввали соли 2019 ҷиҳати иҷрои саривақтии дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, қарорҳои Ҳукумати мамлакат, супоришҳои Дастгоҳи иҷроияи Президенти Ҷумҳурии Тоҷикистон ва санадҳои меъёрии ҳуқуқӣ оид ба беҳтар намудани фазои сармоягузорӣ, идораи амволи давлатӣ ва дастгирии давлатии соҳибкорӣ равона намуд.