ҶАЛАСАИ МАШВАРАТИ ГУРӮҲИ КОРӢ ОИД БА РУШДИ СОҲИБКОРИИ ЗАНОН

0
14
Санаи 5-уми июли соли 2019 соати 09:00 дар толори хурди Кумита ҷаласа машваратӣ Гурӯҳи кории байниидоравӣ оид ба дастгирии занони соҳибкори назди Кумитаи давлатии сармоягузорӣ ва идораи амволи давлатӣ баргузор карда шуд.
Мақсад аз баргузор намудани семинар баррасии масъалаи амалигардонии марҳилаи дуюми лоиҳаи “Ислоҳоти фазои сармоягузорӣ бо назардошти ҷанбаҳои гендерӣ” ва роҳандозии механизми арзёбии таъсири танзимкунии қонунгузорӣ ва сиёсати давлатӣ дар Ҷумҳурии Тоҷикистон ба рушди соҳибкории бонувон дар мақомоти давлатии дахлдор маҳсуб меёбад.
Дар ҷаласа аз ҷониби Гурӯҳи корӣ Роҳбари Гурўҳи корӣ – Нигина Анварӣ ва аъзои он аз ҳисоби вазорату идораҳои давлатӣ аз ҷониби БАТР хонум Харуми Тояма (мушовир оид ба масъалаҳои гендерии дафтари марказии БАТР дар Лондон) ва доктор Йоланда Гибб (коршиноси калони байналмилалӣ оид ба масъалаҳои гендерӣ) ва иштирок карданд.
Аз ҷумла, дар ҷаласа масъалаҳои зерин баррасӣ карда шуданд:
ü Муайян намудани мақомоте, ки масъулиятро барои арзёбии таъсири танзимкунии қонунгузорӣ ва сиёсати давлатӣ аз нигоҳи гендерӣ ба зимма мегирад;
ü Ташаккули гуруҳи хурди корӣ барои таҳлил ва арзёбии сиёсат дар марҳилаи ибтидоии таҳияи он; 
ü Таҳияи лоиҳаи нақшаи амал бо дарназардошти механизми мониторинг, ки дар раванди амалигардонии лоиҳа (аз моҳи июли соли 2019  то моҳи  марти соли 2020) ва марҳилаи минбаъда ба роҳ монда мешавад (он метавонад талаботи дахлдорро ба ҳисоботдиҳии давлатӣ оид ба татбиқи Стратегияи миллии рушд ва нишондиҳандаҳои он дарбар гирад)
ü Таҳия ва қабули Ёддошти ҳусни тафоҳум байни Кумита, вазорату идораҳои аъзои Гурўҳи корӣ, ва БАТР оид ба роҳандозии механизми арзёбии таъсири танзимкунии қонунгузорӣ ва сиёсати давлатӣ аз нигоҳи гендерӣ, ки дар он ба таври дақиқ вазифа ва уҳдадориҳои ҳар як тарафи манфиатдор дарҷ мегарданд. 
Дар хотимаи ҷаласа аз ҷониби аъзои Гурўҳи корӣ қарорҳои дахлдор қабул карда шуданд.