Вохури бо ҳайати расмии Маъмурияти минтақавии Қошғари ноҳияи Синҷон-Уйғури Чин

13 апрели соли 2023 дар Кумитаи давлатии сармоягузорӣ ва идораи амволи давлатӣ мулоқоти муовини раиси Кумита Хуршедаи Қодир бо ҳайати расмии Маъмурияти минтақавии Қошғари ноҳияи Синҷон-Уйғури Чин ва намояндагони ширкатҳои соҳавӣ баргузор гардид.

Зимни мулоқот масъалаҳои имкониятҳои сармоягузорӣ дар соҳаҳои логистика ва нақлиёт, кишоварзӣ, дорусозӣ ва дигар самтҳои афзалиятнок мавриди баррасӣ қарор гирифтанд. Ҳамзамон, ба ширкатҳои чинӣ маълумот вобаста ба имтиёзҳои андозӣ ва гумрукии соҳаҳо ва барномаи солҳои рушди саноат 2022-2026 пешниҳод гардид.  

Дар анҷоми вохӯрӣ ҷонибҳо омодагии худро ҷиҳати тақвият бахшидани ҳамкориҳо изҳор намуданд. Дар маҷмӯъ, мулоқот дар фазои ҳусни тафоҳум ва ҳамдигарфаҳмӣ баргузор гардид.