Мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон бо муовини Вазири молияи Давлати Кувайт

Санаи 19 сентябри соли 2022 дар Кумитаи давлатии сармоягузорӣ ва идораи амволи давлатӣ мулоқоти раиси Кумита Қодирзода Саъдӣ ва муовини Вазири молияи Давлати Кувайт хонум Асил Сулайман Ас-Саад Ал-Мунифӣ баргузор гардид.

Дар мулоқот имкониятҳои сармоягузории ҷумҳурӣ ва дастгирии сармоягузорӣ дар доираи эълон гардидани солҳои 2022-2026 ҳамчун “Солҳои рушди саноат” ва тақвияти ҳамкориҳои дуҷониба баррасӣ ва муҳокима гардида, доир ба соҳаҳои афзалиятноки сармоягузории мамлакат ва имтиёзҳо барои сармоягузорон иттилоъ дода шуд.

Мувофиқа ҳосил шуд, ки ҷиҳати баргузори Форуми сармоягузории Тоҷикистону Кувайт корбарӣ карда мешавад.

Дар анҷоми вохӯрӣ ҷонибҳо омодагии худро доир ба тақвият бахшидани ҳамкориҳо изҳор намуданд.

Дар маҷмуъ, мулоқоти мазкур дар фазои ҳамдигарфаҳмӣ ва ҳусни тафоҳум доир гардида, байни ҷонибҳо масъалаҳои дарёфти самтҳои нави ҳамкории тиҷоратию иқтисодӣ ва сармоягузорӣ баррасӣ гардиданд.