Форуми соҳибкорони Тоҷикистону Ӯзбекистон

Санаи 1 июни соли 2022 дар пешорӯи сафари расмии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Ӯзбекистон дар шаҳри Тошканд Форуми соҳибкорони Тоҷикистону Ӯзбекистон баргузор гардид.

Мақсади чорабинии мазкур ба тақвияти ҳамкориҳои ҷорӣ байни соҳибкорон ва дарёфти коршарикон нигаронида шуд.

Ҷониби Ҷумҳурии Тоҷикистонро дар ин чорабинӣ муовини якуми Сарвазири Ҷумҳурии Тоҷикистон, вазирони саноат ва техналогияҳои нав, кишоварзӣ, раиси Кумитаи давлати сармоягузорӣ ва идораи амволи давлатӣ, инчунин масъулини мақомоти давлатӣ ва беш аз 100 соҳибкор намояндагӣ карданд.

Дар рафти форум ҷонибҳо зимни суханронӣ оид ба касб гардидани тамоюли мусбии муносибатҳои иқтисодии байни ду кишвар ва густаришу амиқсозии минбаъдаи ҳамкориҳо дар самти сармоягузорӣ ишора карданд.

Миёни кишварҳо заминаи мусоиди сармоягузорӣ ҷиҳати тавсеаи равобитҳои ҳасана дар соҳаҳои саноат, кишоварзӣ, фармасевтикӣ, энергетика, сохтмон ва дигар соҳаҳои қобили таваҷҷӯҳ эҷод гардида, минбаъд низ ин раванд идома дода мешавад.

Баимзорасонии як қатор санадҳои ҳамкорӣ миёни соҳибкорони ду кишвар бори дигар талоши ҷонибҳоро дар самти таҳким ва ҳамгироии муносибатҳои тиҷоративу сармоягузорӣ собит намуд.