Русский
English
Кумитаи давлатии сармоягузорӣ ва идораи амволи давлатии Ҷумҳурии Тоҷикистон бахшида ба таҷлили бошукуҳи “Рӯзи соҳибкорон” (14-уми октябр) Озмуни ҷумҳуриявии «Соҳибкори сол-2026»-ро баргузор менамояд.
Ҳадафи озмун муайян ва қадрдонии соҳибкороне мебошад, ки дар рушди иқтисоди миллӣ, таъсиси ҷойҳои нави корӣ, ҷорӣ намудани технологияҳои муосир, рушди содирот ва татбиқи лоиҳаҳои иҷтимоӣ саҳми арзанда мегузоранд.
Иштирокчиён:
Субъектҳои хоҷагидор, аз ҷумла, шахсони ҳуқуқӣ ва соҳибкорони инфиродӣ, ки фаъолияти худро дар ҳудуди Ҷумҳурии Тоҷикистон амалӣ менамоянд .
Номинатсияҳо:
- Беҳтарин соҳибкор дар соҳаи истеҳсолот;
- Беҳтарин соҳибкор дар соҳаи инфрасохтори нақлиёт;
- Беҳтарин соҳибкор дар соҳаи технологияҳои иттилоотию-коммуникатсонӣ;
- Беҳтарин соҳибкор дар самти содирот;
- Беҳтарин соҳибкор дар соҳаи бонкдорӣ;
- Беҳтарин соҳибкор дар соҳаи саноати хӯрокворӣ;
- Беҳтарин соҳибкор дар соҳаи кишоварзӣ;
- Беҳтарин соҳибкор дар соҳаи истихроҷ;
- Беҳтарин соҳибкор дар соҳаи нассоҷӣ;
- Беҳтарин соҳибкор дар соҳаи энергетика;
- Беҳтарин соҳибкор дар соҳаи фарҳанг ва сайёҳӣ;
- Беҳтарин соҳибкор дар соҳаи савдо ва хизматрасонӣ;
- Беҳтарин соҳибкор дар самти рақамикунонӣ;
- Беҳтарин соҳибкор дар самти инноватсия;
- Беҳтарин соҳибкор дар соҳаи сохтмон;
- Беҳтарин соҳибкори эҳсонкор;
- Беҳтарин соҳибкорзан;
- Беҳтарин соҳибкори ҷавон (стартап);
- Соҳибкори пешсафи сол (прорыв года);
Ҳуҷҷатҳои зарурӣ:
Барои иштирок дар озмун ҳуҷҷатҳои зеринро зеркашӣ намоед:
- Ариза барои иштирок;
- Варақаи иттилоотии довталаб;
Довталабон метавонанд ҳуҷҷатҳои худро дар шакли электронӣ ба суроғаи электронии: sohibkori.sol@gmail.com ё шакли коғазӣ ба Котиби комиссияи баргузории озмун воқеъ дар ш. Душанбе, хиёбони Рӯдакӣ 40 (бинои Кумитаи давлатии сармоягузорӣ ва идораи амволи давлатии Ҷумҳурии Тоҷикистон) пешниҳод намоянд.
Муҳлати қабули ҳуҷҷатҳо: то 15 сентябри 2026.
Рақамҳои тамос барои маълумоти иловагӣ: 221-01-21, 221-26-20, 221-15-07
72 