Маълумот оид ба лоиҳаҳои сармоягузории давлатии амалкунанда дар соли 2023

Маълумот
 оид ба маҷмӯи (портфели) лоиҳаҳои сармоягузории давлатии амалкунанда дар Ҷумҳурии Тоҷикистон (Ба ҳолати 1 январи соли 2024)

Маҷмӯи лоиҳаҳои сармоягузории давлатии амалкунанда дар Ҷумҳурии Тоҷикистон дар соли 2023 бо назардошти ба анҷом расидани татбиқи якчанд лоиҳаҳо ва оғоз гардидани лоиҳаҳои нав аз 85 адад (51 лоиҳаи грантӣ, 5 лоиҳаи қарзӣ ва 29 лоиҳа дар ҳаммаблағгузории қарз ва грант) иборат мебошад, ки маблағи умумии он 49,3 млрд. сомонӣ (4,5 млрд. доллари ИМА)-ро ташкил медиҳад.

 Дар таркиби маҷмӯи лоиҳаҳои амалкунанда маблағҳои грантӣ 32,9 млрд. сомонӣ (3,0 млрд. доллар) ё 67,1 фоиз, маблағҳои қарзӣ 15,0 млрд. сомонӣ (1,36 млрд. доллар) ё 29,7 фоиз, саҳми Ҳукумати Ҷумҳурии Тоҷикистон 1,34 млрд. сомонӣ (122,0 млн. доллар) ё 2,6 фоиз ва дигар сарчашмаҳо, аз ҷумла саҳми корхонаҳои давлатии ҷумҳурӣ, мақомоти иҷроияи маҳаллии ҳокимияти давлатӣ, ҷамоатҳо (бенефитсиарҳо) ва ғайра 62,9 млн. сомонӣ (5,7 млн. доллар) ё 0,1 фоизро ташкил медиҳад. 

 Манбаи маблағгузории маҷмӯи (портфели) лоиҳаҳои давлатии сармоягузории амалкунанда асосан аз сарчашмаҳои зерин иборат мебошад: Бонки Ҷаҳонӣ 1 652,5 млн. доллар ё 36,6 фоиз, Бонки Осиёии Рушд 989,2 млн. доллар ё 22,1 фоиз, Бонки Аврупоии Таҷдид ва Рушд 599,2 млн. доллар ё 13,4 фоиз, Ҳукумати Ҷумҳурии Халқии Хитой 205,0 млн. доллар ё 4,5 фоиз, Бонки Исломии Рушд 175,6 млн. доллар ё 4,0 фоиз, Бонки Олмонии Рушд 159,7 млн. доллар ё 3,5 фоиз, Бонки Аврупоии Сармоягузорӣ 154,8 млн. доллар ё 3,4 фоиз, Фонди Саудии Рушд 110,0 млн. доллар ё 2,0 фоиз, Фонди ОПЕК 72,0 млн. доллар ё 1,6 фоиз, Бонки Осиёии сармоягузориҳои инфрасохторӣ 75,0 млн. доллар ё 1,3 фоиз, Фонди байналмилалии рушди кишоварзӣ 69,8 млн. доллар ё 1,5 фоиз, Ҳукумати Ҷопон 42,8 млн. доллар ё 1,0 фоиз, Иттиҳоди Аврупо 33,0 млн. доллар ё 0,7 фоиз, Фонди Кувейтии рушди иқтисодӣ 25,5 млн. доллар ё 0,5 фоиз, Ҳукумати Швейтсария 14,4 млн. доллар 0,3 фоиз, Ҳукумати Ҷумҳурии Исломии Эрон 5,5 млн. доллар ё 0,1 фоиз, саҳми Ҳукумати Ҷумҳурии Тоҷикистон 120,0 млн. доллар ё 2,6 фоиз ва дигар сарчашмаҳо (саҳми корхонаҳои давлатии ватанӣ, мақомоти иҷроияи маҳаллии ҳокимияти давлатӣ, ҷамоаҳо ва ғ.) 5,7 млн. доллар ё 0,1 фоиз.

Дар соли 2023 дар доираи лоиҳаҳои амалкунанда 7 724,0 млн. сомонӣ (705,4 млн. доллар) азхуд карда шудааст, ки ин дар маҷмӯъ ба 105 фоизи нақшаи молиявии давраи ҳисоботӣ баробар аст Аз ҷумла дар соҳаҳои:

• маориф дар доираи 8 лоиҳа 463,2 млн. сомонӣ (42,3 млн. доллар) ё ин, ки 97 фоизи нақша;
• тандурустӣ дар доираи 10 лоиҳа 565,1 млн. сомонӣ (51,6 млн. доллар) ё ин, ки 107 фоизи нақша;
• кишоварзӣ дар доираи 3 лоиҳа 352,7 млн. сомонӣ (32,2 млн. доллар) ё ин, ки 97 фоизи нақша;
• ирригатсия/обёрӣ дар доираи 4 лоиҳа 231,6 млн. сомонӣ (21,1 млн. доллар) ё ин, ки 84 фоизи нақша;
• хоҷагии манзилию коммуналӣ дар доираи 14 лоиҳа 474,0 млн. сомонӣ (43,3 млн. доллар) ё ин, ки 92 фоизи нақша;
• энергетика дар доираи 17 лоиҳа 1 902,5 млн. сомонӣ (173,7 млн. доллар) ё ин, ки 80 фоизи нақша;
• нақлиёт дар доираи 14 лоиҳа 2 928,2 млн. сомонӣ (267,4 млн. доллар) ё ин, ки 131 фоизи нақша;
• экология ва ҳолатҳои фавқулодда дар доираи 9 лоиҳа 239,8 млн. сомонӣ (21,8 млн. доллар) ё ин, ки 102 фоизи нақша;
• дигар соҳаҳо (гумрук, молия, сайёҳӣ ва ғ.) дар доираи 6 лоиҳа 567,0 млн. сомонӣ (51,7 млн. доллар) ё ин, ки 153 фоизи нақша, азхуд карда шудааст.