Industry

Саноати кӯҳӣ

Имрӯз дар ҳудуди Ҷумҳурии Тоҷикистон тақрибан 40 намуди маъданҳо истихроҷ карда мешаванд. Наздики 100 макони захираҳои табиӣ дар ҳоли истифода мебошанд. Ҳамзамон, зиёда аз 600 кони металлҳои поликимиёвӣ ва фулузоти нодир, ки қисман барои азхудкунӣ дар саноат омода гардидаанд, кашф шуда, мавриди омӯзиш қарор гирифтаанд.  

Захираҳои кишвар аз руҳ, сурб, висмут, молибден, волфрам, мис, тилло, нуқра, сурма, симоб, фтор, фил, уран, оҳан, манган, намаки маъмулӣ, магний ва дигар маъданҳои маъданӣ бойанд, ки дорои иқтидори баланди содиротӣ мебошанд.

Саноати бофандагӣ

Дар давоми солҳои охир ҳаҷми сармоягузориҳои хориҷӣ ба саноати нассоҷии Ҷумҳурии Тоҷикистон хеле афзудааст. Сохтмони марҳилаи якуми Маҷмааи нассоҷии ҶСП «Джунтай Дан-гара Синсилу Текстил» дар ноҳияи  Данғара мисоли равшани ин аст.

Иқтидори ин корхона имкон медиҳад, ки дар як сол 52 ҳазор тонна нахи пахта коркард шуда, то 150 миллион метри мураббаъ матоъ истеҳсол карда шавад. Ширкатҳои истеҳсоли пахта Олим-Текстайл ва Хуҷанд-Инвест-Поттон низ дар ин самт муваффақ мебошанд.

Бояд қайд кард, ки имрӯз дар кишвар нахи пахта, матоъҳои пахтагӣ, либос ва матоъҳо бо такмили иловагии нассоҷӣ истеҳсол карда мешавад.

Дар кишвар 107 корхонаи пахтатозакунӣ фаъолият доранд, ки беш аз 120 ҳазор тонна нахи баландсифати пахтаро истеҳсол мекунанд. Аз ин теъдод танҳо 12,000 тоннааш аз ҷониби корхонаҳои нассоҷии Тоҷикистон коркард мешаванд. Ин дар ҳолест, ки иқтидори корхонаҳои ресандагӣ дар як сол ба беш аз 70,000 тонна нахи пахта баробар аст.

Алюминий

Ширкати Алюминийи Тоҷик (ТАЛКО) истеҳсолкунандаи асосии алюминий дар Ҷумҳурии Тоҷикистон бо иқтидори лоиҳавии 517 ҳазор тонна алюминийи аввалия дар як сол мебошад. Албатта, пастшавии нархи ҷаҳонии алюминий ба истеҳсолоти Тоҷикистон таъсири манфӣ расонд. Дар натиҷа дар соли 2016 ҳамагӣ 156 тонна алюминийи аввалия дар ҷумҳурӣ истеҳсол карда шуд. Аз соли 2009 инҷониб, корхонаи алюминийи Тоҷикистон дар доираи лоиҳаи TALCO Cable, инчунин истеҳсоли 40 намуди маҳсулоти ноқилиро, ки имрӯзҳо ба тамоми стандартҳои байналмиллалии сифат ҷавобгӯ буда, ба кишварҳои ИДМ ва Аврупо содир карда мешаванд, ба роҳ мондааст.

Ба кор даровардани корхонаи истеҳсоли ноқилҳои барқӣ дар соли 2011 боз як дастоварди ширкати "Талко Менеҷмент Ltd" дониста мешавад. Айни ҳол дар ин корхона дар як сол 10 ҳазор тонна ноқили барқ истеҳсол карда мешавад.

Сифатҳои баланди маҳсулот ва рақобатпазирии он ширкатро соҳиби мукофотҳои байналмилалӣ гардонидааст. Соли 2008 Ширкати Алюминийи Тоҷик лауреати мукофоти байналмилалии "Корхонаи беҳтарини Аврупо" гардид ва маҳсулоти он бо нишонаи "Сифати аврупоӣ" қайд гардид.