Баргузории ҷаласаи васеи ҳайати мушовараи Кумитаи давлатии сармоягузорӣ ва идораи амволи давлатии Ҷумҳурии Тоҷикистон

22 октябри соли 2024  ҷаласаи васеи ҳайати мушовараи Кумитаи давлатии сармоягузорӣ ва идораи амволи давлатии Ҷумҳурии Тоҷикистон оид ба ҷамъбасти натиҷаҳои фаъолият дар моҳҳои январ-сентябр соли 2024  баргузор гардид.

Дар ҷаласаи мазкур роҳбарияти Кумита, сардорони воҳидҳои сохтории дастгоҳи марказӣ ва корхонаҳои системаи Кумита, сардор/мудири бахшҳои сармоягузорӣ ва идораи амволи давлатӣ дар вилояти Мухтори Куҳистони Бадахшон, вилоятҳои Суғду Хатлон, шаҳри Душанбе ва ноҳияҳои тобеи марказ ширкат варзиданд.

 Ҷаласаи ҳайати мушовара аз ҷониби раиси Кумитаи давлатии сармоягузорӣ ва идораи амволи давлатӣ ифтитоҳ гардида, вобаста ба ҷамъбасти натиҷаҳои фаъолияти Кумита дар нуҳ моҳи соли 2024 гузориши муовини якуми раис Ф. Юсуфзода шунида шуд.

 Инчнунин, дар кори ҷаласа гузориши сардор/мудирони бахшҳои сармоягузорӣ ва идораи амволи давлатӣ дар вилояти Мухтори Куҳистони Бадахшон, вилоятҳои Суғду Хатлон, шаҳри Душанбе, сардорони воҳидҳои сохтории дастгоҳи марказӣ, корхонаҳои системаи Кумита шунида шуда, вобаста ба масъалаҳои баррасишуда қарорҳои дахлдор қабул карда шуданд.

Дар интиҳо аз ҷониби раиси Кумитаи давлатии сармоягузорӣ ва идораи амволи давлатӣ ҷиҳати таъмини иҷрои саривақтии дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, хусусан дар самти беҳсозии фазои сармоягузорӣ ва соҳибкорӣ ва дар ин замина ҷалби бештари сармояи мустақими хориҷӣ, ба масъулин дастуру супоришҳои дахлдор дода шуд.